17/08/2026
ਰਿਪੋਰਟ ਮੁਤਾਬਕ ਆਸਟ੍ਰੇਲੀਆ ਕੋਲ ਦੁਨੀਆ ਵਿੱਚ ਸਭ ਤੋਂ ਵੱਧ ਉਮਰ ਵਾਲੇ ਟਰੱਕ ਡਰਾਈਵਰ ਹਨ, ਜਿਨ੍ਹਾਂ ਦੀ ਔਸਤ ਉਮਰ 51 ਸਾਲ ਹੈ।
-ਲਗਭਗ 45% ਡਰਾਈਵਰ 55 ਸਾਲ ਤੋਂ ਵੱਧ ਉਮਰ ਦੇ ਹਨ।
-ਸਿਰਫ 6% ਡਰਾਈਵਰ 25 ਸਾਲ ਤੋਂ ਘੱਟ ਉਮਰ ਦੇ ਹਨ।
-2030 ਤੱਕ, 43,000 ਤੋਂ ਵੱਧ ਟਰੱਕ ਡਰਾਈਵਰਾਂ (ਕੁੱਲ ਡਰਾਈਵਰਾਂ ਦਾ ਲਗਭਗ 24%) ਦੇ ਰਿਟਾਇਰ ਹੋਣ ਦੀ ਸੰਭਾਵਨਾ ਹੈ, ਜੋ ਕਿ ਦੁਨੀਆ ਭਰ ਵਿੱਚ ਸਭ ਤੋਂ ਉੱਚੀ ਦਰ ਹੈ।
NatRoad ਦੇ ਚੀਫ ਐਗਜ਼ੀਕਿਊਟਿਵ, ਵਾਰੇਨ ਕਲਾਰਕ ਅਨੁਸਾਰ, ਕਾਰੋਬਾਰ ਪਹਿਲਾਂ ਹੀ fuel, ਲੇਬਰ, ਅਤੇ ਹੋਰ ਖਰਚਿਆਂ ਦੇ ਬੋਝ ਹੇਠ ਦੱਬੇ ਹੋਏ ਹਨ। 2025 ਤੋਂ 2050 ਤੱਕ, ਫਰੇਟ ਟਾਸਕ ਵਿੱਚ 57% ਤੱਕ ਦਾ ਵਾਧਾ ਹੋਣ ਦੀ ਉਮੀਦ ਹੈ। ਜੇਕਰ ਡਰਾਈਵਰ ਨਹੀਂ ਹੋਣਗੇ, ਤਾਂ ਇਸ ਦਾ ਅਸਰ ਪੂਰੀ ਅਰਥਵਿਵਸਥਾ ਉੱਤੇ ਪਵੇਗਾ।
ਇਸ ਇੰਡਸਟਰੀ ਵਿੱਚ ਔਰਤਾਂ ਦੀ ਭਾਗੀਦਾਰੀ ਸਿਰਫ 9% ਹੈ। ਸਹੀ ਸਹੂਲਤਾਂ (ਜਿਵੇਂ ਵੱਖਰੇ ਰੈਸਟ ਏਰੀਆ ਅਤੇ ਬੁਨਿਆਦੀ ਢਾਂਚੇ) ਦੀ ਘਾਟ ਔਰਤਾਂ ਨੂੰ ਇਸ ਕਿੱਤੇ ਤੋਂ ਦੂਰ ਰੱਖਦੀ ਹੈ। Microlise ਦੀ ਇੱਕ ਹੋਰ ਖੋਜ ਅਨੁਸਾਰ, ਲੌਜਿਸਟਿਕਸ ਅਤੇ ਟ੍ਰਾਂਸਪੋਰਟ ਖੇਤਰ ਦੇ 44% ਪੇਸ਼ੇਵਰ ਅਗਲੇ 5 ਸਾਲਾਂ ਵਿੱਚ ਇਸ ਇੰਡਸਟਰੀ ਨੂੰ ਛੱਡਣ ਬਾਰੇ ਸੋਚ ਰਹੇ ਹਨ। ਲੰਬੇ ਕੰਮਕਾਜੀ ਘੰਟਿਆਂ (29%) ਅਤੇ ਲਗਾਤਾਰ ਵੱਧ ਰਹੇ ਤਣਾਅ ਕਾਰਨ 42% ਡਰਾਈਵਰਾਂ ਦੀ ਮਾਨਸਿਕ ਸਿਹਤ 'ਤੇ ਵੀ ਮਾੜਾ ਅਸਰ ਪਿਆ ਹੈ। ਇਹ ਬਹੁਤ ਜ਼ਰੂਰੀ ਹੈ ਕਿ ਸਰਕਾਰ ਅਤੇ ਕਾਰੋਬਾਰ ਮਿਲ ਕੇ ਇਸ ਸਮੱਸਿਆ ਦਾ ਹੱਲ ਕੱਢਣ ਤਾਂ ਜੋ ਨਵੀਂ ਪੀੜ੍ਹੀ ਨੂੰ ਇਸ ਖੇਤਰ ਵਿੱਚ ਲਿਆਂਦਾ ਜਾ ਸਕੇ ਅਤੇ ਕੰਮ ਕਰਨ ਵਾਲਿਆਂ ਨੂੰ ਤਕਨੀਕ ਰਾਹੀਂ ਸਹੂਲਤਾਂ ਦਿੱਤੀਆਂ ਜਾ ਸਕਣ।
ਤੁਹਾਡੇ ਇਸ ਬਾਰੇ ਕੀ ਵਿਚਾਰ ਹਨ? ਕੀ ਟਰੱਕ ਡਰਾਈਵਰਾਂ ਦੀਆਂ ਸਹੂਲਤਾਂ ਅਤੇ ਤਨਖਾਹਾਂ ਵਿੱਚ ਵਾਧਾ ਹੋਣਾ ਚਾਹੀਦਾ ਹੈ?
ਕਮੈਂਟ ਕਰਕੇ ਜ਼ਰੂਰ ਦੱਸੋ-
