Armenia Stock Exchange

27/08/2026

🏔️ AMX-ը նոր բարձունքներում՝ Արարատ լեռան գագաթին։

Ուրախ ենք կիսվել մեր թիմի համար առանձնահատուկ մի իրադարձությամբ․ մեր գործընկերներ Արմենն ու Դավիթը բարձրացել են Արարատ լեռ և գագաթին ծածանել AMX 25-ի դրոշը՝ Հայաստանի ֆոնդային բորսայի 25-ամյակը նշանավորելով ավելի քան 5,000 մետր բարձրության վրա։

Վճռականության, թիմային ոգու և նոր բարձունքներ նվաճելու մեր ձգտման խորհրդանշական դրսևորում։

Շնորհավորում ենք Արմենին և Դավիթին այս տպավորիչ նվաճման կապակցությամբ և շնորհակալություն, որ AMX 25-ը հասցրին Արարատի գագաթ 🇦🇲

27/08/2026

🚀 Ուրախ ենք տեղեկացնել, որ Հայաստանի ֆոնդային բորսայի գլխավոր տնօրեն Հայկ Եգանյանի և Armenian Institute of Directors-ի գլխավոր գործադիր տնօրեն Արմենուհի Հովակիմյանի միջև ստորագրվել է փոխըմբռնման հուշագիր։

Հուշագրի շրջանակներում նախատեսվում է՝

🔹իրականացնել համատեղ կրթական և վերապատրաստման ծրագրեր,
🔹նպաստել կորպորատիվ կառավարման, տեղեկատվության բացահայտման և ներդրողների հետ արդյունավետ հաղորդակցության լավագույն փորձի տարածմանը,
🔹ուսումնասիրել ցուցակված ընկերությունների կորպորատիվ կառավարման ներկայիս փորձը և մշակել դրանց բարելավմանն ուղղված առաջարկություններ,
🔹համատեղ քննարկել շրջակա միջավայրի, սոցիալական պատասխանատվության և կորպորատիվ կառավարմանն առնչվող հարցերը և ներկայացնել համապատասխան առաջարկություններ։

📊 Այս համագործակցությունը կարևոր քայլ է առավել արդյունավետ, թափանցիկ և կայուն կորպորատիվ միջավայրի ձևավորման ուղղությամբ՝ նպաստելով կառավարման լավագույն փորձի տարածմանը:

26/08/2026

🚀 Հայաստանում նորաձևության մանրածախ ոլորտում գործունեություն ծավալող «ՄԼ ՖԵՇՆ» ՍՊԸ-ն այսօր մուտք գործեց կապիտալի շուկա։

✨ Կարևորելով ոճը, բարձր որակը և հաճախորդակենտրոն մոտեցումը՝ ընկերությունը պարտատոմսերի թողարկման արդյունքում ներգրավված միջոցները կուղղի նոր ապրանքանիշերի և տեսականու ներմուծմանը, խանութների ցանցի ընդլայնմանը, ինչպես նաև ընկերության հետագա զարգացման ռազմավարական ուղղությունների ֆինանսավորմանը։

📎 Պարտատոմսերի տեղաբաշխումն իրականացվել է Cube Invest ներդրումային ընկերության միջոցով։

21/08/2026

📈 Բժշկական սարքավորումների և պարագաների մեծածախ և մանրածախ առևտրի ոլորտում մասնագիտացված Proftest LLC-ին ցուցակվել է Հայաստանի Ֆոնդային բորսայում։

🚀 Պարտատոմսերի տեղաբաշխման արդյունքում ներգրավված միջոցներն ընկերությունն ուղղելու է մասնաճյուղերի ցանցի ընդլայնմանը, սարքավորումների արդիականացմանը, ինչպես նաև նոր տարածքների ձեռքբերմանը՝ գործունեության ընդլայնման և ենթակառուցվածքների զարգացման նպատակով։

📎 Պարտատոմսերի տեղաբաշխումն իրականացվել է Dimension Investments-ի միջոցով։

20/08/2026

🚀Հայացք դեպի AMX 25՝ հոբելյանական կարևոր իրադարձություն, որն ուրախ ենք տեսնել նաև Regional Post - Caucasus ամսագրի շապիկին։

📰 Ամսագրի նոր համարի շապիկը նվիրված է Հայաստանի ֆոնդային բորսայի 25-ամյակին՝ ընդգծելով զարգացման, վերափոխման և միջազգային ինտեգրման 25-ամյա ճանապարհը։

📈Հայաստանի կապիտալի շուկայի ենթակառուցվածքների ամրապնդումից մինչև միջազգային շուկաների հետ նոր կապերի ձևավորում՝ AMX 25-ը ոչ միայն հնարավորություն էր ամփոփելու անցած ճանապարհը, այլև հայացք ուղղելու Հայաստանի կապիտալի շուկայի զարգացման հաջորդ փուլին։

Ուրախ ենք տեսնել, որ այս ճանապարհն իր արտացոլումն է գտել Regional Post-ի էջերում և ամսագրի նոր համարի շապիկին։

Կարդացեք ամսագրի ամբողջական տարբերակը առցանց կամ ձեռք բերեք Regional Post-ի տպագիր օրինակը`
👉 https://tinyurl.com/vffcxu9n

#ԿապիտալիՇուկա #Ներդրումներ #Ֆինանսներ

19/08/2026

📢 Միացե՛ք մեր Telegram ալիքին։

📊Այս հարթակում մենք ներկայացնում ենք կապիտալի շուկայի կարևոր իրադարձություններ՝ նոր ցուցակումներ, պետական պարտատոմսերի աճուրդների և արտարժույթի շահավետ փոխանակման վերաբերյալ տեղեկատվություն և շատ ավելին։

✨ Առաջինը տեղեկացված եղեք կապիտալի շուկայի նորություններին

18/08/2026

📈 Վերականգնվող էներգետիկայի ոլորտում գործող «Սոլիս» ՓԲԸ-ն՝ ցուցակելով պարտատոմսերը, համալրեց Հայաստանի ֆոնդային բորսայում ցուցակված ընկերությունների շարքը։

Ժամանակակից տեխնոլոգիաների և առաջադեմ սարքավորումների կիրառմամբ ընկերությունը կառուցում, տնօրինում և երկարաժամկետ շահագործում է արևային էլեկտրակայաններ՝ ապահովելով արդյունավետ, հուսալի և էկոլոգիապես մաքուր էլեկտրաէներգիայի արտադրություն📊

📎 Պարտատոմսերի տեղաբաշխումն իրականացվել է Ameriabank CJSC-ի միջոցով։

Ավելին՝ https://tinyurl.com/3wjdptuc

17/08/2026

«ԱԳՐՈՎԻԺՆ» ՓԲԸ-ի պարտատոմսերը ցուցակվել են Հայաստանի ֆոնդային բորսայում

Armenia Stock Exchange
AgroVision CJSC

Իմանալ ավելին https://abnews.am/post/agrovision-cjsc-bonds-have-been-listed-on-the-armenia-stock-exchange

17/08/2026

🌱📈 Ագրոարդյունաբերական ոլորտում գործունեություն ծավալող ևս մեկ ընկերություն այսօր ազդարարեց իր մուտքը կապիտալի շուկա։

📊 Պարտատոմսերի ցուցակմամբ AgroVision CJSC զարգացման նոր հնարավորություններ է ստեղծում՝ ներգրավելով ֆինանսավորման նոր աղբյուրներ, ընդլայնելով համագործակցության շրջանակը և հիմք ստեղծելով նոր ծրագրերի իրականացման համար։

Պարտատոմսերի տեղաբաշխումն իրականացվել է Dimension Investments-ի միջոցով։

Ավելին՝ https://tinyurl.com/mrhkvep6

14/08/2026

💬 Ի՞նչ է նշանակում ղեկավարել՝ նայելով ոչ միայն այսօրվա արդյունքներին, այլև ավելի մեծ նպատակներին։ Ինչպե՞ս Հայաստանը ներկայացնել միջազգային ներդրողներին՝ փոքր շուկայի փոխարեն ցույց տալով մեծ ներուժը։ Եվ ինչո՞ւ է կարևոր ամենօրյա աշխատանքի մեջ տեսնել այն արժեքը, որը ստեղծում ես։

🎙️Հայաստանի ֆոնդային բորսայի (AMX) գլխավոր տնօրեն Հայկ Եգանյանը խոսել է իր մասնագիտական ճանապարհի, առաջնորդության, որոշումների կայացման, թիմի ու վստահության, Հայաստանի ներդրումային ներուժի, ինչպես նաև աշխատանքից դուրս իր հետաքրքրությունների մասին։

📈 Banks.am - Ֆինանսական Հայաստանի «Առանց փողկապի» Հայկ Եգանյանի հետ հարցազրույցը կարդացեք ստորև👇

Հայկ Եգանյան․ Պետք է ամենօրյա գործդ կապես ավելի մեծ ու արժեքավոր նպատակի հետ